Sulmuesi i Paris Saint-Germain, Edinson Cavani nuk e ka përjashtuar mundësinë e largimit gjatë verës nga Parc des Princes.

27 vjeçari u transferua në Francë nga Napoli për 64 milionë euro verën e kaluar, por nuk e ka përjashtuar mundësinë e largimit nga PSG, pasi është i frustruar të qëndrojë nën hijen e yllit Zlatan Ibrahimovic.

“Luis Suarez dhe unë, tashmë jemi në klube të mëdha. Ne besojmë në ekipet ku jemi dhe i mbrojmë ngjyrat e klubeve tona me nder dhe prestigj”, deklaroi sulmuesi uruguaian.

“Mirëpo, në futboll, ju nuk mund ta dini kurrë, gjithçka mund të ndodh. Një ditë je në një ekip dhe në ditën tjetër mund të jesh diku tjetër”, përfundoi Cavani.