Cakaj: Më e rëndësishmja është që s’ka të vdekur nga tërmeti

Ministri i Jashtëm e Shqipërisë, Gent Cakaj, ka thënë se ministria për Evropën dhe Punët e Jashtme është e angazhuar maksimalisht dhe po përcjellë me vëmendje përballimin e situatës pas tërmeteve të djeshme.

Lajme

22/09/2019 16:19

Ai ka thënë se pavarësisht dëmeve dhe shqetësimeve, më e rëndësishmja mbetet se Shqipëria nuk ka humbur asnjë jetë.

Postimi i plotë:

Si të gjitha institucionet e Republikës së Shqipërisë, edhe Ministria për Evropën dhe Punët e Jashtme është e angazhuar maksimalisht dhe po përcjell me vëmendje përballimin e situatës pas tërmeteve të djeshme.

Pavarësisht dëmeve dhe shqetësimeve, më e rëndësishmja mbetet se Shqipëria nuk ka humbur asnjë jetë!

Shpreh mirënjohje të thellë për interesimin dhe gatishmërinë e shumë shteteve mike për të ndihmuar Shqipërinë në këtë sfidë!

Ndërkohë që të gjitha institucionet shqiptare janë në këmbë 24 orë në 24 pranë qytetarëve të prekur, edhe stafi i Ministrisë për Evropën dhe Punët e Jashtme brenda dhe jashtë vendit i mobilizuar për kryerjen e detyrave të tyre duke u gjendur pranë të dëmtuarve në këtë moment të vështirë!

#ShqipëriSolidare. /Lajmi.net/