Bylbyl Sokoli konfirmon bisedimet me Prishtinën
FC Prishtina duket se shumë shpejtë ka gjetur zëvendësimin e trajnerit Mirel Josa, i cili u shkarkua vetëm disa orë më herët.
Sport
Klubi bardhekaltër është në bisedime me trajnerin e mirënjohur kosovar, Bylbyl Sokoli, i njohur ndryshe edhe si ‘Profa’, shkruan lajmi.net.
Lexo edhe:
Këtë e ka konfirmuar për lajmi.net vet Sokoli, duke thënë se ende nuk ka asgjë konkrete në këtë drejtim.
‘’Jam në bisedime. Nesër vazhdojnë bisedimet dhe nuk ka asgjë konkrete. Krejt këto çka po shkrujnë janë të pavërteta‘’, deklaroi 60-vjeçari për lajmi.net.
Kujtojmë se Sokoli udhëhoqi Prishtinën gjatë edicionit 2014/15, ndërsa aktualisht është papunë pasi dha dorëheqje nga Ferizaji. /Lajmi.net/