Frank Lampard, Ashley Cole dhe Samuel Eto’o janë në mesin e futbollistëve që janë ‘liruar’ nga Chelsea, sipas listës më të re të skuadrave të Premierligës.

Klubet paraqitën sot listat e futbollistëve që do të lirohen gjatë afatit kalimtar të verës, dhe treshja e Blues janë yjet më të mëdhenj në dokument, raporton Metro.

Megjithatë, kjo nuk do të thotë se asnjëri prej tyre nuk do të paraqitet në Chelsea, në edicionin e ardhshëm, pasi lista shfaq vetëm futbollistët që janë në skadim të kontratës, e që ende nuk e kanë vazhduar atë.

Cole duket i sigurt në largim nga Stamford Bridge, ndërsa Eto’o me kritikat e fundit ndaj menaxherit Jose Mourinho e ka vulosur lamtumirën e tij nga gjiganti londinez.

Por, njoftimet e fundit sugjerojnë se Chelsea do t’i ofrojë Lampardit një kontratë të re njëvjeçare, njësoj si kapitenit John Terry.

Mesfushori nuk mund ta nënshkruajë atë tani, sepse është në përgatitje me Anglinë për Kampionatin botëror në Brazil.

Mesfushori i Chelseas, Michael Essien mund të largohet nga Stamford Bridge gjatë afatit kalimtar të janarit, ka njoftuar menaxheri i tij, Fabian Piveteau.

Përfaqësuesi i reprezentuesit ganez, ka bërë të ditur se një numër i “klubeve të mëdha” janë të njoftuara se Essien mund të jetë në dispozicion, derisa Liga e Kampionëve paraqet joshjen kryesore për të.

“Essien mund të largohet nga Chelsea gjatë këtij dimri”, deklaroi Piveteau për radiostacionin francez RMC.

“Disa klube të mëdha që luajnë në Ligën e Kampionëve janë të njoftuara me situatën e tij dhe mund të kemi risi në 10 ditët e ardhshme. Ju duhet ta dini se Michael nuk ishte në listën e futbollistëve që mund të luajnë në Ligën e Kampionëve me Chelsean, andaj është i lirë të luajë në garë me një skuadër tjetër”, u shpreh ai.