Burri vret gruan shtatzënë dhe fëmijën 5-vjeçar në Belgjikë

Një burrë 33-vjeçar ka vrarë gruan e tij shtatzënë 28-vjeçare dhe fëmijën e saj 5-vjeçar në Werkplaatsstraat të Belgjikës. Pas aktit të rëndë, burri është dorëzuar në polici dhe ka rrëfyer aktin, ka bërë të ditur rrjeti rtl, shkruan ennewsicon. “Nuk mund të flasim ende për shkaqet e vdekjes. Mund të themi se kjo është…

Bota

04/12/2022 17:45

Një burrë 33-vjeçar ka vrarë gruan e tij shtatzënë 28-vjeçare dhe fëmijën e saj 5-vjeçar në Werkplaatsstraat të Belgjikës.

Pas aktit të rëndë, burri është dorëzuar në polici dhe ka rrëfyer aktin, ka bërë të ditur rrjeti rtl, shkruan ennewsicon.

“Nuk mund të flasim ende për shkaqet e vdekjes. Mund të themi se kjo është një grua shtatzënë dhe fëmija i saj pesëvjeçar”, tha zëvendësprokurorja Bernadette Bayens.

Bëhet e ditur se burri me origjinë turke, gjatë aktit të rëndë ishte nën ndikimin e drogës dhe kanabisit, ku sipas avokatit të tij, Dirk De Maerschalck, autori i ngjarjes tash është në shok.

“Klienti im deklaroi se ishte nën ndikimin e kanabisit dhe kokainës. Ai është në shok dhe tani e ka kuptuar dramën që ka ndodhur në banesë. Ai nuk e kuptonte fare se çfarë po bënte”, është shprehur ai, shkruan nieuwsblad.

Gruaja e tij ishte shtatzënë në muajin e gjashtë, dhe sipas banorëve vendas, ata kanë pasur përleshje të rregullta, ku një herë janë ndarë dhe më pas janë bashkuar sërish në gjashtë muajt e fundit.