Kenan Evren, 96 vjeç, dhe Sahinkaya, 89-vjeç, janë akuzuar për organizimin e kushteve për ndërhyrje ushtarake dhe më pas për kryerjen e grusht-shtetit.

Ata janë të vetmit liderë të gjallë të grusht-shtetit, i cili ka sjellë në pushtet regjimin ushtarak, transmeton REL.

Ndjekja e tyre penale është bërë e mundur pasi qeveria e kryeministrit Recep Tayyip Erdogan ka bërë ndryshimet kushtetuese në vitin 2010, të cilat ua kanë marrë imunitetin.

Ata janë gjykuar qysh në vitin 2012, por asnjëri prej tyre nuk i ka ndjekur seancat për shkak të gjendjes shëndetësore.