Kjo sfidë u ndërpre dy herë gjatë pjesës së parë për shkak të koreve raciste të tifozëve bullgarë ndaj lojtarëve me ngjyrë angleze, veçanërisht ndaj Raheem Sterling.

Një pjesë e stadiumit “Vadil Levski” ka qenë, në fakt i mbyllur për këtë ndeshje po për sjelljen raciste të tifozëve në përballjet me Kosovën dhe Republikën Çeke.

Një tjetër episod i rëndë ndodhi me një tifoz anglez, i cili ka ndërruar jetë gjatë transportimit të tij nga spitali.

Ministria e Brendshme e Bullgarisë nëpërmjet një komunikate njoftonte se “një shtetas i huaj, 32-vjeç, është transportuar nga në spital.

Aty ai ka nisur të sillet në mënyrë agresive dhe kërcënuese. Janë marrë masa për ta transportuar në departamentin e Policisë së Sofjes, por gjatë rrugës ka ndërruar jetë.”

Nuk është bërë ende e qartë dinamika e ngjarjes. As Ministria e Jashtme e Anglisë nuk i ka komentuar rrethanat, por ka komentuar se po i qëndron pranë familjes së të ndjerit.

Kujtojmë se Anglia dhe Bullgaria janë në grup me Kosovën për Euro 2020 ku është edhe Mali i Zi dhe Çekia. /Lajmi.net/