Breshëri i mbrëmshëm shkaktoi dëme në Deçan, Drejtori i Bujqësisë atje ka një kërkesë për Ministrinë
Drejtori për Bujqësi, Pylltari dhe Zhvillim Rural në Komunën e Deçanit, Rifat Stojkaj i ka bërë thirrje Ministrisë së Bujqësisë që të krijojë një komision vlerësues për dëmet e shkaktuara nga breshëri i mbrëmshëm në disa prej fshatrave të Deçanit.
Lajme
Ai ka kërkuar që të ndahet fond i veçantë për kompensimin e fermerëve të prekur nga dëmet.
Sipas tij, dëme janë shkaktuar te fermerët në fshatrat Pobërgjë, Lloqan e Dranoc.
“I bëjmë thirrje Ministrisë së Bujqësisë që të ngrit një komision vlerësues, dhe së bashku me komisionin komunal të përgatisim raport detal për të gjitha dëmet e shkaktuara e pastaj të ndahet fond i veçantë në mënyrë që fermerët tanë të kompensohen. Të dashur fermerë, ju bëjmë thirrje që më së largu deri ditën e premte t’i paraqitni kërkesat tuaja pranë Drejtorisë së Bujqësisë në Komunën e Deçanit”, ka shkruar Stojkaj në ‘Facebook’.