Nesër do të jetë dita e Claudio Bravos. Përmes një njoftimi në uebfaqen e saj zyrtare, Barcelona ka njoftuar se portieri i deritashëm i Real Sociedadit do ta nënshkruajë nesër kontratën, pasi t’i kalojë vizitat mjekësore në qendrën sportive të gjigantit katalunas.

Bravo do të jetë portieri i dytë që nënshkruan me klubin nga Camp Nou pas Marc-André Ter Stegen. Dyshja do t’i zëvendësojë dy portierët e larguar, Victor Valdes dhe Jose Pinto.

Pas paraqitjeve mbresëlënëse në Botëror, tifozët katalunas e preferojnë më shumë Bravon sesa Ter Stegenin, në portën e tyre.