Botërori i Messit
Javier Zanetti beson se Kampionati botëror në Brazil mund të kalojë nën gjurmët e Lionel Messit. Ai thotë se kapiteni i Argjentinës e ka maturinë e nevojshme për të udhëhequr ekipin drejt suksesit.
Sport
Javier Zanetti beson se ky mund të jetë Kampionati botëror që do të sjellë shpërthimin e vërtetë të Lionel Messit në nivelin ndërkombëtar.
Ish kapiteni i Interit, i cili i dha fund karrierës si futbollist pas përfundimit të edicionit të kaluar ka mbështetur sulmuesin dhe kapitenin e Argjentinës, Messi, të inspirojë ekipin drejt triumfit në Brazil. “Duket pikërisht se do të jetë Botërori i Leos”, deklaroi Zanetti.
“Uroj të jetë kështu. E ka udhëhequr skuadrën në momentet kur ajo kishte më së shumti nevojë. Vetëm super kampionët mund të bëjnë diçka të tillë. Është një lider absolut i këtij grupi”, u shpreh legjenda e Nerazzurrëve.
“Nga viti 2006-2010 ishte i njohur talenti i tij i jashtëzakonshëm, por ishte ende i ri dhe duhej të zhvillohej. Në 3-4 vitet e fundit është zhvilluar shumë dhe tani është kapiten dhe i merr përgjegjësitë e tij. Për këtë arsye duhet të jetë Botërori i tij”, përfundoi Zanetti.