Aeroportet në mbarë botën janë në alarm nga frika e fanatikëve nga Jemeni dhe Siria të cilët kanë bashkuar forcat për të kryer sulme me bomba në avionë. 

Ibrahim Hassan al-Asiri, një person që bën bomba për organizatën terroriste Al-Kaida, është duke punuar rreth një bombe që nuk do të shihet në skaner, e cila do të vendoset trupin e vetëvrasës ose në ndonjë aparat elektronik me rreze elektron. 

Ibrahim dhe ekipi i tij është vendosur në Jemen. Organet e sigurisë kanë informacione se “njerëzit bomba”, që kanë pasaporta evropiane janë duke u përgatitur për të përdorur teknologji të reja vdekjeprurëse të cilat do të shpërthejnë në kohën kur avioni është në ajër. 

Turistët të cilët janë duke u përgatitur për pushime mund të përballen me vonesa në fluturime për shkak kontrollave që do të aplikohen në shkallë të gjërë. 

Shtetet e Bashkuara kanë urdhëruar të gjitha aeroportet që të rrisin masat e sigurisë, për shkak të kërcënimeve terroriste. 

Agjentët e CIA-s zbuluan se disa granata mund të krijohen përmes disa pikave të eksplozivit të lëngshëm që shpërthen në pajisje jo-metalike. 

Bomba e vendosur në formë kirurgjike në trupin e sulmuesit vetëvrasës, e fshehur në një pajisje elektronike apo në këpucë, ka pak shanse që të zbulohet. 

Në aeroportin Heathrow të Londrës, pasagjerëve po u kërkohet të fikon laptopët, telefonat celularë dhe pajisjet tjera elektronike. (lajmi.net)