Nga viti 1992 e tutje, prej kur Kupa e Kampionëve u shndërrua në Ligën e Kampionëve, vetëm dhjetë futbollistë kanë arritur të shënojnë nga katër gola në të njëjtën ndeshje, i fundit në listë, sulmuesi i Paris Saint-Germain, Zlatan Ibrahimovic.

Ylli suedez realizoi katër herë në fitoren e thellë 5:0 kundër Anderlechtit të mërkurën mbrëma, duke iu bashkuar yjeve si Marco van Basten, Andriy Shevchenko e Lionel Messi e disa të tjerëve që para tij kishin bërë të njëjtën gjë.

Megjithatë, Messi është i vetmi që ka realizuar pesë herë në një duel të Ligës së Kampionëve, në fitoren e Barcelonës ndaj Bayer Leverkusenit 7:1 në edicionin 2011-12.

Futbollistët me nga katër gola në një ndeshje të Ligës së Kampionëve:

Simone Inzaghi (Lazio) – Olympique Marseille 5:1, (1999–2000)

Marco Van Basten (Milan) – Goteborg 4:0, (1992–93)

Dado Prso (Monaco) – Deportivo La Coruna 8:3, (2003–04)

Ruud van Nistelrooy (Man Utd) – Sparta Praga 4:1, (2004–05)

Andriy Shevchenko (Milan) – Fenerbahçe 4:0, (2005–06)

Lionel Messi (Barcelona) – Arsenal 4:1, (2009–10)

Bafetimbi Gomis (Lyon) – Dinamo Zagreb 7:1, (2011–12)

Mario Gomez (Bayern Munich) – Basel 7:0, (2011–12)

Robert Lewandowski (Dortmund) – Real Madrid 4:1, (2012–13)

Zlatan Ibrahimovic (PSG) – Anderlecht 5:0, (2013-14)