Zëdhënësi i Policisë, Brahim Sadriu, ka thënë se deri më tash gjendja e rrugëve në Kosovë është normale, përveç bllokimit të rrugës Pejë- Kullë- Rozhajë.

“Kjo rrugë është bllokuar për autobusë dhe për kamionë. Ajo është e qarkullueshme për vetura të vogla me pajisje dimërore”.

Zëdhënësi Sadriu, gjithashtu ka bërë të ditur se bllokimi i kësaj rruge nuk është vetëm në anën e Kosovës por njëjtë është edhe në pjesën e Malit të Zi.

“Ka vështirësi edhe në disa rrugë të tjera, për shkak të reshurave, ngricave, përgjithësisht janë të kalueshme. Vende-vende ka nevojë t’i vendosin pajisjet dimërore dhe nuk ka ndonjë bllokim të rrugëve”.

“Deri më tani nuk ka ndonjë rast të rëndë aksidenti”.

Sadriu u ka bërë apel qytetarëve të Republikës së Kosovës që të kenë kujdes gjatë vozitjes së tyre, duke pasur parasysh pajisjet dimërore.