E fundit që ka bërë dokumentar për Kombëtaren fantastike të Kosovës është mediumi i njohur “Bleacher Report”.

‘BR’ është fokusuar te tifozëria fantastike, te ‘Dardanët’ që në humbje dhe fitore, janë pranë djelmoshave t Kosovës dhe asnjëherë nuk ka bileta të mjaftueshme.

“Kosova ka një popullsi prej më pak se dy milionë banorë, por 100 mijë tentuan të merrnin bileta për ndeshjen e fundit në shtëpi”, ka shkruar ‘Bleacher Report’ në dokumentarin e publikuar çaste më parë.

Dokumentari është bërë nga gazetari James Piotr, i cili edhe personalisht ka përjetuar gjitha emocionet që i përjetojnë shqiptarët kur luan Kosova.

Ai e ka shijuar nga afër me tifozët lojën me Malin e Zi, ku ‘Dardanët’ fituan 2-0.

Në përgjithësi Piotr ka treguar për dashurinë që tifozët kanë për futbollin dhe se si ditët kur luan Kosova është gjithçka për shqiptarët.

Ai ka folur edhe për njerin q i dha shumë sportit të Kosovës, njeriu që punoi shumë dhe e ndihmoi Kosovën të pranohet në UEFA e FIFA, legjendën Fadil Vokrri.

Kosovo has a population of less than 2 million, but 100,000 tried to get tickets for their last home game. @JamesPiotr went to experience why it meant so much. 🇽🇰 pic.twitter.com/cRPs4HLfW4

— B/R Football (@brfootball) November 15, 2019

Të dielën, Anglia do të zbresë në stadiumin ‘Fadil Vokrri’, për të zhvilluar ndeshjen e fundit në kuadër të kualifikimeve për ‘Euro 2020’, me ‘Tre Luanët’ që tashmë kanë prerë biletën, derisa edhe Çekia është kualifikuar pasi e mposhti Kosovën.

Ëndrra e ‘Dardanëve’ vazhdon, pasi Evropiani tani synohet përmes Nations Leagu ku Kosova tashmë gjendet në play-off’