Ministri i Jashtëm iranian, Mohamad Xhavad Zarif ka thënë të martën në Madrid se zyrtarët iranianë dhe të BE-së, së bashku me përfaqësues të Francës, Britanisë, Gjermanisë, Kinës, Rusisë dhe Shteteve të Bashkuara do të fillojnë “hartimin e tekstit” të marrëveshjes së përhershme, transmeton REL.

Zarif nuk ka saktësuar se ku do të mbahen bisedimet.

Irani dhe gjashtë fuqitë botërore kanë arritur marrëveshjen kornizë më 2 prill në Lozanë të Zvicrës.

Sipas dokumentit, Irani do të kufizojë programin e tij bërthamor në këmbim të zbutjes së sanksioneve ekonomike.

Marrëveshja përfundimtare duhet të arrihet deri më 30 qershor.