Besart Berisha vazhdon të jetë në qendër të vëmendjes në futbollin australian.

Sulmuesi kosovar është përzgjedhur në listën e pesë futbollistëve, kandidatë për çmimin Fair-Play.

Sponsori zyrtar i A-League, ka publikuar emrat e pesë futbollistëve që kanë dhënë kontribut të veçantë në ndihmë të tifozëve.

Berisha shquhet për kontributin e tij ndaj një të riu për të tejkaluar frikën e fluturimit me aeroplan.

Tifozët do të kenë disa ditë në dispozicion për të hedhur votën e tyre.

Përveç Berishës, në listën e kandidaturave bëjnë pjesë edhe William Gallas i Perth Glory, Jerrad Tyson i Western Sydney, MIchael Theo i Brisbane Roar dhe Daniel McBreen i Central Coast Mariners.