“Berisha dhe Kryeziu, mungesa të mëdha për Kosovën”
Ish trajneri i Përfaqësueses së Kosovës, Albert Bunjaki, ka thënë se Valon Berisha dhe Hekuran Kryeziu janë mungesa të mëdha për ‘Dardanët’.
Sport
Kosova më 21 dhe 25 mars, zhvillon dy ndeshje në stadiumin ‘Fadil Vokrri’.
Danimarka në një ndeshje miqësore viziton Kosovën, ndërsa pas katër ditëve, skuadra e Challandes takohet me Bullgarinë, në ndeshjen e parë kualifikuese për Euro 2020.
Valon Berisha është konfirmuar si mungesë për Kosovën në këto dy ndeshje, ndërsa në dyshime është Hekuran Kryeziu, i cili është lënduar në ndeshjen e fundit te Zurich.
“Dy lojtarë të rëndësishëm, jo vetëm për nga aspekti profesional por edhe nga lidershipi. Më kujtohet rasti i Valonit, kur ka ardhur ka qenë 23 vjeçar ishte një prej lojtarëve më të vjetër që e kemi pas.
“Valoni ka kaluar një periudhë mjaft të vështirë. Edhe Hekurani e ka një lëndim dhe sipas informacioneve që kam, ende është në dyshim. Ndoshta me Bullgarinë mund të vijë” deklaroi Bunjaki në Dueli Sportiv./Lajmi.net/