Hummels kishte mbrojtur ngjyrat e Dortmund para se të kalonte tek rivalët e Bayern Munich, ku duket se më nuk është pjesë e planeve të Niko Kovac.

Lojtari ka humbur edhe vendin e tij në kombëtaren e Gjermanisë, ku Joachim Low nuk ka llogaritur në shërbimet e tij.

Por, është Borussia Dortmund ajo që duket se planifikon t’i ketë shërbimet e lojtarit për sezonin e ardhshëm.

‘Bild’ raporton se Dortmund po përgatitet që të rikthej Mats Hummels në skuadër, transmeton lajmi.net.

Tifozët e Dortmund nuk e kishin pritur mirë largimin e tij drejt Bayern, dhe nuk dihet nëse do ta mirëprisnin rikthimin në ‘Signal Iduna Park’.

Gjithsesi, Hummels do të instalonte siguri në vijën e fundit të Dortmund, duke pasur parasysh përvojën e madhe që ka. /Lajmi.net/