Diplomatët nga këto vende, duke përfshirë edhe aleatët më të afërt të Izraelit, kanë nënshkruar një letër me të cilën ftohet shefja e diplomacisë së BE-së, Federica Mogherini, që të fillohet me këtë proces.

Në mesin e nënshkruesve janë edhe Britania e Madhe, Holanda, Italia dhe Spanja, njofton agjencia e lajmeve AP.

Gazeta izraelite Haarec e ka publikuar sot këtë letër, kurse një diplomat evropian e ka konfirmuar se letra është autentike.

Izraeli e ka okupuar Bregun Perëndimor nga Jordania gjatë një lufte 7 ditëshe në vitin 1967.

Palestinezët në atë territor kanë qëllim të formojnë shtetin e tyre të pavarur, që do të përfshinte edhe Rripin e Gazës, si dhe që Jerusalemi lindor të jetë kryeqytet palestinez. Bashkësia ndërkombëtare i konsideron jo legale lagjet hebraike në këtë territor.

BE është partneri më i madh tregtar i Izraelit dhe kjo masë do ta godiste në një masë shkëmbimin tregtar të Izraelit me botën.