Bashkimi Europian ka dënuar incidentet e dhunshme në veri të Mitrovicës, të cilat ndodhën gjatë ditës së djeshme, kur grupe të organizuar serbësh ndërprenë procesin e votimit.

Maja Kocijanciq, Zëdhënëse e Shefes për Politikë të Jashtme dhe Siguri të BE’së, Catherine Ashton, tha se BE i ka ndjekur zhvillimet për së afërmi.

“Ne i dënojmë incidentet e dhunshme të djeshme në veri të Mitrovicës, të cilat i shkatërruan zgjedhjet, por nga ana tjetër, procesi zgjedhor është udhëhequr në mëynrë të rregullt në pjesën tjetër të Kosovës”.

“Misioni Elektoral Observues i yni do ta paraqesë vlerësimin preliminar gjatë konferencës për shtyp më 5 nëntor”.