Bayerni ia mësyn Di Marias
Paris Saint-Germain dhe Manchester United nuk janë ekipet e vetme të interesuara për Angel Di Marian. Në garë për mesfushorin argjentinas është futur edhe Bayern Munich.
Sport
Angel Di Maria është njëri prej emrave më të përfolur në afatin kalimtar të verës.
Mesfushori argjentinas prite të largohet nga Real Madridi gjatë kësaj vere, prandaj interesimi i skuadrave të njohura evropiane për të nuk po mungon.
Deri tash flitej se futbollistin e krahut e pëlqejnë Paris Saint-Germain dhe Manchester United, por atyre u është shtuar një konkurrent mjaft i fortë.
Bëhet fjalë për Bayern Munichun, i cili do të mundohet ta sjell futbollistin në Allianz Arena, shkruan e përditshmja spanjolle AS.
Të shohim se cila do të jetë e ardhmja e përfaqësuesit argjentinas, i cili, përkundër sezonit fantastik që pati, do të largohet.