Në debutimin e Eden Hazard, Bayern Munich vodhën spektaklin, duke regjistruar një fitore prej 3:1 kundër ‘Los Blancos’, shkruan lajmi.net.

Serinë e golave në këtë takim e hapi mesfushori francez i Bayern, Corentin Tolisso, i cili në minutën e 15’ shënoi për 1:0, gol me të cilin përfundoi edhe pjesa e parë.

Për të dyfishuar epërsinë e kampionëve të Bundesliga u përkujdes Robert Lewandowski, duke tundur rrjetën në minutën e 67’.

Ish anëtari i Arsenal, Serge Gnabry, doli në skenë vetëm tre minuta pas golit të Lewas, për të shënuar për 3:0, shkruan lajmi.net.

Gjërat u vështirësuan paksa për bavarezët në minutën e 81’,  kur Sven Ulreich u ndëshkua me kartonin e kuq.

Real Madrid shfrytëzuan epërsinë numerike në fushë dhe në minutën e 85’ shënuan golin e nderit në këtë takim.

Për skuadrën e Zidane debutuan edhe Ferland Mendy e Luka Jovic. /Lajmi.net/