Bayern Munich është duke përgatitur një tjetër sulm ndaj një ylli të rivalit Borussia Dortmund.

Pas transferimit të mesfushorit ofanziv Mario Gotze në verën e vitit të kaluar, dhe marrëveshjes për angazhimin e sulmuesit Robert Lewandowski, në fund të këtij sezoni, gjiganti bavarez ka shënjestruar një tjetër futbollist të Dortmundit.

Sipas të përditshmes gjermane Bild, trajneri i Bayern Munichut, Pep Guardiola do të tentojë blerjen e yllit gjerman Marco Reus, gjatë afatit kalimtar të verës.

Por, kjo nuk do të jetë e lehtë. Reus në të kaluarën është deklaruar se paratë nuk janë gjithçka për të dhe se dëshiron t’i qëndrojë besnik Dortmundit, duke mos e përcjell shembullin e shokut të tij Gotze.