Barcelona shpëtoi, penalltia e humbur nga Reus duhej përsëritur
Barcelona barazoi në sfidën e parë të fazës së grupeve në Ligën e Kampionëve ndaj Borussia Dortmund.
Sport
Gjithsesi, ky barazim erdhi me shumë fat pasi portieri Andre Ter-Stegen priti penalltinë e ekzekutuar nga Marco Reus.
Megjithatë me rregullat e reja që janë vënë në përdorim nga ky sezon penalltia duhej përsëritur, shkruan lajmi.net.
Portieri gjerman del me të dyja këmbët jashtë vijës së tij, ndërkohë që me rregullat e reja njëra këmbë duhet të jetë në vijë.
Edhe pse me VAR, gjyqtari nuk reagoi fare në këtë rast – për çka ka marrë kritika të shumta në rrjetet sociale pas përfundimit të ndeshjes. /Lajmi.net/