Barcelona dhe Real Madrid kanë zhvilluar 225 ndeshje zyrtare , para kësaj të sotmes në Nou Camp në kuadër të xhiros së dhjetë në La Ligë.

Bilanci i përballjeve të deritashme është në favor të Los Blancos që kanë fituar 90 takime, përkundër 87 nga katalanët. Në këta 225 El Clasico janë shënuar 743 gola, 379 nga ana e Realit dhe 364 nga Barcelona.

Kurse, nëse llogaritin vetëm takimet e tyre në kuadër të La Ligës, atëherë bilanci i fitoreve është 70:64, kurse me gola 270-259, të dyja në favor të gjigantit madrilen.

Në Nou Camp, Barcelona ka qenë nikoqire e 108 përballjeve El Clasico dhe ka realizuar 60 fitore (56%) 23 barazime dhe 25 humbje.