Katalanasit triumfuan me rezultat 4:1, duke zhvilluar ndoshta ndeshjen më të mirë të sezonit.

Ishte një autogol i Pau Torres (3’) që i dha epërsinë fillestare Barcës, para se Gerard Moreno (14’) të baraspeshonte gjithçka.

Por skuadra e Quique Setien u kundërpërgjigj me Luis Suarez (20’) që realizoi një gol mjaft të bukur.

Ndërkohë, Antoine Griezmann (45’) me një gol maestral çoi ekipin më të qetë në dhomat e zhveshjes.

Në pjesën e dytë, Ansu Fati (87’) vulosi rezultatin përfundimtar të këtij takimi.

Barcelona mbetet në vendin e dytë me 73 pikë, katër më pak se lideri Real Madrid. Villarreal ruan pozitën e pestë me 54 pikë. /Lajmi.net/