Barcelona mund ta zyrtarizojë rinovimin e Messit brenda javës dhe regjistrojë transferimet e reja në La Liga

10:32 | 4 Gusht 2021

Barcelona më në fund mund ta bëjë zyrtare rinovimin e kontratës së Lionel Messit.

Argjentinasi mbetet agjent i lirë pasi zyrtarisht është larguar nga Barcelona, pasi i skadoi kontrata në fillim të korrikut, shkruan lajmi.net.

Shkaku i pagave të larta, Barcelona nuk ishte në gjendje të regjistronte Messin apo transferimet e reja.

Por, tani gjërat kanë ndryshuar dhe katalunasit ndoshta brenda javës do ta zyrtarizojnë argjentinasin.

Sipas Mundo Deportivo, presidenti i Barcelonës, Joan Laporta është duke punuar në detajet e fundit dhe shpreson që brenda 24 orëve gjithçka të bëhet zyrtare.

La Liga ka marrë 2.7 miliardë euro për të investuar në klube dhe kompeticon, kurse prej tyre 270 milionë euro do t’i takojë blaugranasit.

Kjo mesa duket është e mjaftueshme që Barcelona t’i regjistrojë Messin dhe transferimet e reja.

Kujtojmë, se regjistrimet duhen bërë para 15 gushtit në mënyrë që Messi të luajë në ndeshjen hapëse të La Liga-s, kurse 1 shtatori është data e fundit e regjistrimit para se të mbyllet afati i transferimeve./Lajmi.net/