Mesfushori i Barcelonës, Xavi ka thënë se skuadra i meritoi së paku vazhdimet në ballafaqimin me Atletico Madridin.

Gjiganti katalan humbi 1:0 në ndeshjen e kthimit në çerekfinale të Ligës së Kampionëve në Vicente Calderon dhe u eliminua nga gara, pas barazimit 1:1 në ndeshjen e parë në Camp Nou.

Por, Xavi nuk mendon se rezultati ishte i drejtë.

“Nuk e di nëse Atletico e meritoi këtë fitore. Ne kishim disa raste për të barazuar rezultatin, katër ose pesë mundësi nga të cilat zakonisht shënojmë”, u shpreh ai pas ndeshjes.

“Mendoj se e merituam barazimin, duke e dërguar ndeshjen në vazhdime”.