Barcelona e re
Lionel Messi dhe shokët e tij i kanë të gatshëm pasardhësit e tyre. Me ndihmë nga akademia La Masia, Barcelona tashmë ka projektuar skuadrën e së ardhmes.
Sport
Barcelona shquhet si skuadër që investon shumë në akademinë e klubit, La Masia e famshme.
Prej saj kanë dalë shumë yje të ekipit të parë si Lionel Messi, Xavi Hernandez, Andres Iniesta, Gerard Pique, Sergio Busquets e të tjerë që tani përbëjnë formacionin bazë të ekipit të udhëhequr nga Luis Enrique.
Por, si do të duket Barcelona e së ardhmes? Pikërisht duke u bazuar në prodhimtarinë e La Masias, e përditshmja sportive katalane “Sport”, ka publikuar një formacion bazë, me gjithë rezervistë, të asaj që mund të jetë Barcelona e re.
Mesi dhe shokët e tij duket se i kanë të gatshëm pasardhësit e tyre. Kush janë ata? Mund t’i shikoni një nga një në fotografinë e bashkangjitur në këtë artikull.