Barca ofron Coutinhon te dy skuadra te Premierligës
Philippe Coutinho do të rikthehet te Barcelona pas përfundimit te këtij sezonit, por skuadra katalane nuk e ka në plan të mbajë në skuadër brazilianin, duke dëshiruar shitjen e tij, për të transferuar Lautaro Martinezin e Interit.
Sport
‘Goal.com’ raporton që Barcelona ka ofruar Coutinhon te Arsenal dhe Newcastle United, përcjell lajmi.net.
Brazilani ka luajtur në Premierligë nga sezoni 2013 deri në vitin 2018, dhe ishte në mesin e lojtarëve më të mirë te Liverpool.
Ai ishte transferuar te Barcelona për 145 milionë euro.
Coutinho nuk ka justifikuar shumën e paguar për të, dhe këtë sezon ishte dërguar në huazim te Bayern Munich, të cilët edhe mund ta transferojnë atë, por bazuar në raportimet e medieve gjermane, një gjë e tillë nuk do të ndodh./Lajmi.net/