Barcelona duket se kanë qenë afër nënshkrimit me Ilkay Gundogan gjatë verës së kaluar.

Gundogan lidhej me një largim të mundshëm nga Manchester City, por lojtari shpejt ju kishte dhënë fund dilemave, kur shprehej i gatshëm për të vazhduar aventurën në ‘Etihad’.

Megjithatë, Fabrizio Romano thotë se Barcelona pati një mundësi që të nënshkruante me gjermanin, gjatë kësaj vere, përcjell lajmi.net.

“Barca kishin mundësi që të nënshkruanin me Gundogan, ata ishin të interesuar por asgjë s’ndodhi”, ka thënë Romano, transmeton lajmi.net.

“Të shohim çfarë ndodh verën tjetër, pasi ja i sigurt se shumë skuadra gjermane por edhe Barca, madje ndoshta edhe skuadra angleze, do të provojnë për të, por ai e di se City duan rinovimin”, shtoi tutje Romano.

Ilkay Gundogan është kthyer në një prej pikave kryesore në formacionin e Manchester City këtë edicion. Guardiola sigurisht se bën llogaritë në shërbimet e tij. /Lajmi.net/