Mario Balotelli ka pranuar zbritje të rrogës vetëm e vetëm që të realizojë transferimin në Liverpool nga Milan.

Ylli italian ka mbërritur në Angli ku do t’i nënshtrohet testeve mjekësore pasi Rossonerët pranuan ofertën e Reds me vlerë prej 16 milionë funte për transferimin e tij në Anfield.

Dhe, sipas mediave britanike Balotelli ka bërë një sakrificë të madhe për t’u rikthyer në Premierligë – ku ka luajtur me Manchester Cityn – duke pranuar pagë më të vogël se ajo që përfitoi në Milan.

Derisa ai u pagua 170 mijë funte në javë në Milan, në Liverpool Balotelli do të përfitojë ‘vetëm’ 110 mijë funte në javë.

Liverpool besohet se i ka ofruar më pak për shkak të dyshimeve rreth qëndrimit të tij, por sulmuesi ishte tepër i interesuar që të luajë në Anfield.