Mario Balotelli nuk kaloi një ndeshje të qetë kundër Romës.

Sulmuesi i Milanit ishte i hidhëruar gjatë gjithë ballafaqimit në humbjen 2:0 nga Olimpico.

Mirëpo, ai shpërtheu me të vërtetë pas vendimit të trajnerit Clarence Seedorf për zëvendësimin e tij në minutën e 69-të duke e inkuadruar në lojë Giampaolo Pazzinin.

Pas daljes nga fusha, ai kërkoi një sqarim të shkurtër nga Seedorf se pse e nxori nga loja. Mirëpo, edhe pas përfundimit të ndeshjes, ai është shfaqur mjaft nervoz.

Në lidhje direkte me televizionin Sky, Balotelli ankohet se sa herë që humb Milani të gjithë thonë se është për fajin e tij.

Kurse, më pas i përgjigjet pyetjes së një analisti duke i thënë: “Nuk ke lidhje me futboll”. Ndërsa, nga kundërshtimet e tij nuk shpëtuan as ish ylli i Milanit, Zvonimir Boban si dhe ish mbrojtësi i mirënjohur italian Christian Panucci.