Ylli i Real Madridit, Gareth Bale, ka dhënë një përgjigje të qartë: Nuk dua të largohem nga Santiago Bernabeu.

Sipas tabloidit britanik “Daily Express”, reprezentuesi uellsian ka refuzuar mundësinë e rikthimit në Premierligë ku së fundmi është përmendur si objektiv i Chelseas dhe Manchester Unitedit.

Në fakt, Blues shprehën gatishmëri të paguajnë 185 milionë funte, përfshirë edhe pagën e kontratës, mirëpo Bale është i vendosur që karrierën ta vazhdojë në Real Madrid.

Bale së fundmi ka munguar për shkak të lëndimeve dhe kjo bëri që Isco t’ia zë vendin në formacionin bazë.

Mirëpo, trajneri i Los Blancos, Carlo Ancelotti ka insistuar se Bale dhe Isco mund të luajnë edhe së bashku dhe të dy janë futbollistë të rëndësishëm të ekipit.