Scott Ruh, babai i të ndjerës, thotë se është krenar me vajzën e tij, e cila shërbeu në batalionin mjekësor, dhe e cila ka lënë pas dy fëmijë. 

Ai thotë se kur vajza e njoftoi në fund të vitit të kaluar se do të shkojë në Kosovë për të shërbyer, ai nuk ishte shumë i shqetësuar, sikur në vitin 2012 kur ajo shërbente në Afganistan, pasi Kosova nuk është në luftë. 

Herën e fundit që ajo kishte komunikuar me prindërit e saj, ishte dita e enjte. Në një bisedë përmes Skype’s, ajo kishte thënë se po kalonte shumë mirë në Kosovë, dhe po planifikonte një udhëtim të veçantë. 

\”Ajo tha se po planifikonte një udhëtim 5 ditor në Paris. Gjithmonë kishte pasur dëshirë ta vizitonte Parisin”, ka thënë babai i saj. 

Por vetëm një ditë më pas, të premten ai mori lajmin shokues, se vajza e tij u qëllua për vdekje. 

Edhe pse Scott nuk e di saktësisht se si vdiq vajza e tij, ai e di se si ajo jetonte. 

\”Ajo ishte gjithmonë qeshur, asnjëherë e mërzitur. Ajo e donte familjen dhe vendin e saj”. 

\”Unë jam shumë krenar për të, dua t’ia them edhe një herë”, thotë ai me lot në sy.

WBAY