AZ Alkmaar i shkruan UEFA-s në lidhje me kualifikimin e Ajax në Ligën e Kampionëve
AZ Alkmaar i ka shkruar UEFA-s duke u kërkuar atyre që të rrëzojnë vendimin e Federatës Holandeze të Futbollit (KNVB) pasi i ka dhënë Ajaxit të drejtën e kualifikimit në Ligën e Kampionëve të sezonit të ardhshëm.
Sport
Me qeverinë holandeze që ndaloi të gjitha ngjarjet sportive deri më 1 shtator për shkak të pandemisë koronavirus, Eredivisie u shpall e pavlefshme muajin e kaluar.
Jo vetëm që nuk do kishte promovime apo rënie, por Ajaxit iu mohua e drejta e kampioni, pasi udhëheqte ndaj AZ falë golaverazhit – kur kishin mbetur edhe nëntë ndeshje deri në fund, përcjell lajmi.net.
Sidoqoftë, KNVB i dha Ajaxit vendin automatik në Ligën e Kampionëve i rezervuar për kampionin holandezë, ndërsa AZ do ta provojë fatin përmes raundeve kualifikuese.
AZ beson se ata do duhen të ishin në vendin e parë pasi kanë mposhtur brenda dhe jashtë Ajaxin gjatë këtij sezoni, dhe besojnë se diferenca e golave nuk është diferencues objektiv. /Lajmi.net/