Kështu ka njoftuar Zyra e Kryeministrit të Kosovës nëpërmjet një njoftimi për media, shkruan lajmi.net.

“Njoftohen përfaqësuesit e medieve se ceremonia e marrjes së detyrës nga Kryeministri i zgjedhur, Avdullah Hoti, do të mbahet nesër (E enjte, 04 qershor 2020) me fillim në ora 09:00.”, thuhet në njoftimin e ZKM-së.

Sot, Hoti është zgjedhur kryeministër i Kosovës në Kuvendin e Kosovës me 61 vota për, 24 kundër dhe 4 abstenime.

Hoti është kryeministër i ri i Kosovës, pas koalicionit të Lidhjes Demokratike të Kosovës me Aleancën për Ardhmërinë e Kosovës, Nismën Socialdemokrate dhe minoritetet serbe e jo serbe. /Lajmi.net/