Selektori i Shqipërisë, Gianni de Biasi ka bërë të ditur se talenti i madh i Schalkes, Dionis Avdijajt së shpejti mund t’i bashkohet ekipit kuqezi.

Në ditën kur publikoi listën e futbollistëve të ftuar për ballafaqimet miqësore kundër Francës dhe Italisë gjatë këtij muaji, De Biasi pranoi kontaktet me babanë e futbollistit.

“Të henën bisedova me babanë e tij, do të flas gjithashtu dhe me Di Matteon për situatën e futbollistit te Schalke. Nëse Avdijaj do të luajë për ekipin e parë të Schalkes nuk do të ketë asnjë problem për t’u grumbulluar në kombëtare”, deklaroi De Biasi.