Atletico Madrid e nisi vitin 2014 ashtu siç e përfundoi 2013’ën, me fitore.

Skuadra e trajnerit Diego Simeone mposhti në udhëtim Malagan me rezultat minimal 1:0 dhe sërish doli mbi Barcelonën në krye të La Ligës me 49 pikë, në pritje të ballafaqimit mes kampionit në fuqi me Elchen, të dielën.

Mesfushori i talentuar Koke realizoi golin e vetëm të ndeshjes në minutën e 70’të, por që ishte i mjaftueshëm që Atletico Madrid të dalë fitues nga udhëtimi te Malaga, në kuadër të xhiros së 18’të.

Ballafaqimi ishte mjaft i tensionuar dhe kjo dëshmohet më së miri me numrin e kartonëve të verdhë, plot dhjetë sosh. Atletico u zverdh gjashtë herë kurse Malaga katër.