Atletico Madrid mposhti Villarrealin me rezultat 1:0 dhe e përforcoi kreun e tabelës në La Ligë.

Skuadra e Diego Simeones mori pikë të plota në ballafaqimin e zhvilluar në Vicente Calderon, por me mjaft vështirësi.

Raul Garcia shënoi pas asistimit nga Koke në minutën e 14-të dhe ky doli të jetë i vetmi gol i sfidës, por i mjaftueshëm për Atletico Madridin që të ruajë kryesimin në tabelë edhe pas xhiros së 32-të.

Atletico ka 79 pikë, katër më shumë se Barcelona dhe gjashtë më tepër se rivali i qytetit Real Madrid.