Të shtunën në mbrëmje, në Santiago Bernabeu do të zhvillohet derbi i Madridit mes Realit dhe Atleticos.

Mirëpo, një lajm i keq për kampionin në fuqi është se në stadium do të jenë vetëm dhjetëra tifozë të tyre.

Atletico ka kërkuar 250 vende për tifozët e tij. Mirëpo, çmimi i lartë prej 70 euro për një biletë, i kërkuar nga Los Blancos, ka bërë që në tribunën e mysafirëve të shiten vetëm 30 bileta, ka njoftuar e përditshmja sportive spanjolle “AS”.

Reali nuk ka probleme me shitjen e biletave andaj Atletico Madridin në Bernabeu e presin 81 mijë tifozë nikoqirë.