Galaktikat që nga kaq herët në univers priteshin të ishin të turbullta dhe të paqëndrueshme, në përputhje me teoritë ekzistuese rreth formimit të galaktikës, transmeton lajmi.net.

Por ai i sapo zbuluar nuk ishte gati aq kaotik siç parashikohej.

Ky zbulim befasues, nga ana tjetër, mund të çojë në një kuptim të ri se si formohen galaktikat dhe cilat procese mund të kishin ndodhur në universin e hershëm.

Kur studiuesit shikuan galaktikën e zbuluar rishtazi të njohur si SPT0418-47, ata panë që ajo kishte karakteristika për vetë Rrugën tonë të Qumështit.

Kishte një disk rrotullues dhe një grup të madh yjesh rreth mesit të tij, të cilin shkencëtarët e quajnë si një “fryrje”, dhe të cilën kurrë nuk është parë më parë kaq herët në univers.

Galaktika është aq larg sa është e vështirë të shihet edhe me teleskopët më të fuqishëm të krijuar ndonjëherë.

Por skuadra ishte në gjendje ta ekzaminonte atë duke përdorur një efekt të quajtur lensimi gravitacionale, ku universi vetë vepron si një gotë zmadhuese dhe lejon shkencëtarët të shohin thellë në univers.

Shkencëtarët tani shpresojnë të kryejnë vëzhgime të mëtejshme për të kuptuar se sa tipike mund të jenë galaktikat kaq të reja, por shumë të ngjashme, diku tjetër në universin e hershëm. /Lajmi.net/