Luis Suarez ka dhënë shenjat e para të aftësive të tij të jashtëzakonshme si futbollist i Barcelonës.

Në ndeshjen e Superkupës së Katalonisë kundër Espanyolit, përforcimi i ri bëri një asistim fantastik tek goli i mbrojtësit Gerard Pique, para se të zëvendësohej pas përfundimit të pjesës së parë.

Trajneri Luis Enrique u nda i kënaqur me kontributin e Suarezit.

“Suarez luajti shumë mirë. Ai ishte i saktë në shumicën e veprimeve të tij. Ai e bëri dallimin në secilën minutë që kaloi në fushë. Tregoi lëvizshmëri dhe gatishmëri për të luftuar, njësoj si pjesa tjetër e ekipit”, deklaroi Enrique për faqen zyrtare të Barcelonës.