Vendet pjesëmarrëse angazhohen për të siguruar ndër të tjera bazën ligjore të nevojshme. Standardet e reja parashikojnë shkëmbimin automatik të të dhënave mes autoriteteve tatimore të vendeve në fjalë, për të parandaluar shmangien e taksimit në investimet e parave të tyre në mënyrë të fshehtë jashtë vendit.

Nënshkruesit përfshijnë të gjitha 34 vendet e OECD-së, përfshi Luksemburgun, Lihtenshtajnin dhe Zvicrën, që konsideroheshin si vende oaza të taksave. Përveç kësaj, 18 shtete nuk janë anëtarë të OECD-së, duke përfshirë edhe Kinën dhe qendrën e rëndësishme financiare, Singaporin.

Sekretari i Përgjithshëm i OECD-së, Angel Gurria e kishte quajtur standardin e ri një përparim të madh të samitit të G -20. Si shembull të ligjit tatimor është marrë ai FATCA i SHBA-ve, që detyron institucionet e huaja financiare për shkëmbim automatik të të dhënave bankare dhe de fakto anulon sekretin bankar. (Albinfo.ch)