Arsenali i furishëm, fiton Chelsea
Arsenali u rikthye nga disavantazhi prej një goli duke shënuar fitore 3:1 në udhëtim te West Ham United në kuadër të xhiros së 18-të në Premierligë, dhe mori kryesimin në pritje të ballafaqimit mes Manchester Cityt dhe Liverpoolit. Carlton Cole kaloi West Hamin në epërsi pak minuta pas fillimit të pjesës së dytë, por golat…
![](https://lajmi.net/wp-content/uploads/media/image/201312/full/Hazard3.jpg)
Sport
Arsenali u rikthye nga disavantazhi prej një goli duke shënuar fitore 3:1 në udhëtim te West Ham United në kuadër të xhiros së 18-të në Premierligë, dhe mori kryesimin në pritje të ballafaqimit mes Manchester Cityt dhe Liverpoolit.
Carlton Cole kaloi West Hamin në epërsi pak minuta pas fillimit të pjesës së dytë, por golat e shpejtë nga Theo Walcott në minutat 68 dhe 71 e përmbysën rezultatin.
Kurse, fitoren gjigantit londinez ia siguroi rezervisti Lukas Podolski i inkuadruar në lojë në pjesën e dytë në vend të Aaron Ramsey.
Me këtë fitore, Arsenali ngjitet në kuotën e 39 pikëve, dy më tepër se Liverpool që në ora 18:30 ndeshet në udhëtim me Manchester Cityn. Fitore shënoi edhe Chelsea që mundi Swansea Cityn me rezultat 1:0, falë golit nga Eden Hazard në minutën e 29’të.
Fitoren më të thellë e realizoi Newcastle United që shkeli Stoke Cityn 5:1, duke shfrytëzuar dy përjashtimet te skuadra kundërshtare.
Rezultatet:
Aston Villa – Crystal P 0:1
Cardiff – Southampton 0:3
Chelsea – Swansea City 1:0
Everton – Sunderland 0:1
Newcastle – Stoke City 5:1
Norwich – Fulham 1:2
Tottenham – WBA 1:1
West Ham – Arsenal 1:3