Legjenda e Arsenalit, Ray Parlour ka këshilluar klubin londinez të mos tentojë rikthimin e mesfushorit Cesc Fabregas, gjatë afatit kalimtar të verës.

Fabregas spekulohet se mund të largohet nga Barcelona, dhe Arsenali ka opsionin e parë për rikthimin e tij në Emirates, të caktuar në marrëveshjen për transferimin e tij në Camp Nou më 2011.

Fabregas vazhdon të konsiderohet idhull i tifozëve të Arsenalit, dhe menaxheri Arsene Wenger spekulohet se është duke planifikuar të ofrojë 30 milionë funte për transferimin e tij.

Por, Parlour është kundër.

“Arsenali ka shumë futbollistë të ngjashëm me Fabregasin, Santi Cazorla, Mesut Ozil e Jack Wilshere, ku do të luante ai?”, deklaroi Parlour për tabloidin britanik Mirror.

“Fabregas ishte shumë i mirë për ekipin, por nuk duhet të jetë më prioritet”, përfundoi ai.