Avokati Yevgeny Gubin ka thënë se klienti i tij, shkencëtari Vladimir Golubev, është arrestuar gjatë natës në qytetin e Sarovit, në një qendër për kërkime bërthamore në rajonin Nizni Novgorod, që dikur ishte vendi ku gjendej një ndërtesë e rëndësishme e armatimit bërthamor sovjetik.

Gubin ka thënë se ai planifikon që ta apelojë paraburgosjen e shkencëtarit Golubev, mirëpo sipas hetuesve rusë, shkencëtari 66 vjeçar, ka zbuluar materiale sekrete gjatë një konference ndërkombëtare në kryeqytetin çek, në vitin 2013.

Golubev i ka hedhur poshtë akuzat e prokurorisë, duke thënë se informatat në raportin e tij janë marrë nga burime të hapura si revista shkencore dhe të cilat nuk mund të konsiderohen si materiale sekrete.