Policia e Kosovës, ka njoftuar se gjatë ditës së djeshme ka arrestuar një avokat me inicialet N.N, pasi që i njëjti në vitin 2018, në cilësinë e avokatit mbrojtës dyshohet se ka përvetësuar dhjetë mijë euro para të gatshme nga një kliente e tij, shkruan lajmi.net.

Siç bën të ditur Policia, avokati ka mashtruar klienten e tij me arsyetimin për ta mbrojtur për disa vepra penale për të cilat paraprakisht viktima e këtij rasti ka qenë e dyshuar.

Me vendim të prokurorit, i dyshuari pas intervistimit dërgohet në qendrën e mbajtjes. /Lajmi.net/