Plaçkitja kishte ndodhur në daljen e një parkingu të një qendre afariste. I Dyshuari ka përdorur sprej, dhe më pastaj u grabit një sasi e konsiderueshme e parave të gatshme.

Menjëherë pas raportimit të rastit, njësitet policore kanë ndërmarrë një varg veprimesh hetimore dhe operative të cilat kanë rezultuar me identifikimin dhe arrestimin e dy personave të dyshuar: F. A, 30 vjeç, dhe S.I. 26 vjeç.

Me autorizimin e prokurorit policia ka realizuar disa bastisje në disa lokacione, në të cilët është gjetur dhe konfiskuar një sasi e konsideruar e parave të gatshme, të njëjtat dyshohen të jenë grabitur në rastin në fjalë.

Në veturën e njërit nga të dyshuarit gjatë kontrollit është gjetur dhe konfiskuar një shumë prej 9 mijë e 910 euro që dyshohet të jetë një pjesë e shumës e të hollave të grabitura.

Në vazhdimësi të hetimeve i arrestuari i dytë gjatë intervistës ka treguar për paratë e grabitura dhe vendin ku i ka të fshehura. Pas kontrollit në shtëpinë e tij janë gjetur dhe konfiskuar 16 mijë e 700 euro që është pjesë e shumës tjetër e të hollave të grabitura. Me urdhër të prokurorit të dyshuarit dërgohen në mbajtje.