Si raporton REL, predhat kanë ardhur nga një hapësirë afër aeroportit të Donjeckut, që është nën kontrollin e forcave qeveritare, por që është sulmuar rregullisht nga separatistët e mbështetur nga Rusia.

Gjatë natës, në qytetin port Mariupol, në Detin Azov, ka pasur po ashtu shkelje serioze të armëpushimit, kur forcat qeveritare ishin sulmuar me artileri dhe raketa të separatistëve.

Mbrëmë, presidenti i Ukrainës, Petro Poroshenko, dhe ai i Rusisë, Vlladimir Putin, gjatë një bisede telefonike thanë se armëpushimi në masë të madhe po respektohej.